ការណែនាំពីសម្រស់ 5 យ៉ាង នៅពេលអ្នកឈានដល់វ័យ 30 ឆ្នាំ

វ័យ 30 ឆ្នាំគឺមិនមែនគ្រាន់តែជាតួលេខទេ។ វាគឺជាឥរិយាបថមួយ។
ការឈានដល់វ័យ 30 ឆ្នាំគឺជាបើកឡើងនូវការចាប់ផ្តើមនៃដំណាក់កាលដ៏សំខាន់នៃជីវិតរបស់អ្នក។ ជីវិតហាក់ដូចជាច្របូកច្របល់ ពេលអ្នកស្ថិតនៅក្នុងវ័យខ្ទង់ 20 របស់អ្នក។ ប៉ុន្តែនៅក្នុងវ័យខ្ទង់ 30 ឆ្នាំរបស់អ្នក អ្នកងាយនឹងមានអារម្មណ៍មានការគ្រប់គ្រងបានច្រើនជាងមុន។ ប៉ុន្តែ ករណីជាមួយនឹងស្បែក និងរាងកាយរបស់អ្នកអាចមានភាពខុសគ្នា។

ការដុតរំលាយអាហារក្នុងរាងកាយរបស់អ្នកចាប់ផ្តើមថយចុះបន្តិចនៅក្នុងវ័យខ្ទង់ 30 ឆ្នាំ។ វាប្រហែលជាមិនអាចជួសជុលខ្លួនឯងឲ្យបានឆាប់ដូចមុនបានទេ។ នេះជាហេតុផលមួយ ដែលអ្នកត្រូវតែយកចិត្តទុកដាក់ឲ្យបានកាន់តែខ្លាំងលើរូបរាងកាយ (និងសុខភាពជាទូទៅ) របស់អ្នកនៅអំឡុងពេលនេះ។

ការថែទាំខ្លួនឯអនៅអំឡុងពេលនេះគឺមិនមែនជាបញ្ហាធំដុំនោះទេ។ អ្នកត្រុវមានការប្រុងប្រយ័ត្នជាងមុនជាមួយនឹងអ្វីដែលអ្នកធ្វើទៅកាន់ខ្លួនឯង និងរបៀបដែលអ្នកធ្វើវា។ ទាំងនេះជាការណែនាំសម្រស់សំខាន់ 5 យ៉ាងដែលអាចជួយឲ្យអ្នកធ្វើឲ្យសម្រស់ប្រសើរឡើងនៅក្នុងវ័យខ្ទង់ 30 ឆ្នាំរបស់អ្នក។

1. រក្សាជាតិទឹកក្នុងខ្លួនជាអ្នក ការផឹកទឹកច្រើនមិនគ្រាន់តែលើកកម្ពស់សុខភាពទូទៅប៉ុណ្ណោះទេ ប៉ុន្តែក៏ធ្វើឲ្យស្បែករបស់អ្នកមានសុខភាពល្អផងដែរ។ បន្តបន្ថែមជាតិទឹកដែលខ្វះនៅក្នុងខ្លួនអ្នកគឺជាវិធីមួយដើម្បីជៀសវាងស្បែកស្ងួត គ្មានពន្លឺ និងរបក។
2. ប្រើឡេការពារកម្តៅថ្ងៃជាប្រចាំ មិនថាអាកាសធាតុបែបណានោះទេ ត្រូវធានាថាអ្នកបានប្រើឡេការពារកម្តៅថ្ងៃ។ វាការពារអ្នកពីកាំរស្មី UV ដ៏មានគ្រោះថ្នាក និងការពារស្បែកពីការចាស់ជរាឡើង។ ត្រូវប្រាកដថា អ្នកកំពុងប្រើឡេការពារកម្តៅថ្ងៃដែលមានយ៉ាងតិច SPF 30 និងការចាត់ចំណាត់ថ្នាក់ PA+ ។ ខណៈដែល SPF ការពារអ្នកពីកាំរស្មី UVB នោះ ការចាត់ចំណាត់ថ្នាក PA មានន័យថាការការពារពីកាំរស្មី UVA ។ សូមស្វែងរកផលិតផលដែលមានការចាត់ចំណាត់ថ្នាក់ PA +++ ព្រោះការចាត់ចំណាត់ថ្នាក់កាន់តែខ្ពស់ ការការពារក៏កាន់តែបានច្រើនជាងមុន។
3. ស្វែងរកសារធាតុផ្សំសំខាន់ៗ នៅក្នុងផលិតផលថែរក្សាស្បែករបស់អ្នក នៅក្នុងវ័យខ្ទង់ 30 របស់អ្នក ស្បែករបស់អ្នកទាមទារសារធាតុផ្សំជាពិសេស។. វាដល់ពេលដែលស្បែករបស់អ្នកចាប់ផ្តើមបង្ហាញសញ្ញាដែលបង្ហាញពីភាពចាស់ជរាបន្តិចបន្តួចហើយ។ អ្នកនឹងត្រូវការផលិតផលថែរក្សាស្បែកតាមគោលដៅកំណត់ ដែលមានសារធាតុផ្សំពិសេស ដែលមានប្រសិទ្ធភាពដើម្បីដោះស្រាយបញ្ហាជាក់លាក់ផ្សេងៗ។ ពេលទិញក្រែមបន្តឹងស្បែក ក្រែម សេរ៉ូម និងផលិតផលថែរក្សាស្បែកផ្សេងទៀត ត្រូវស្វែងរកសារធាតុផ្សំដូចជា AHAs (ដូចជាអាស៊ីតគ្លីកូឡិច និងអាស៊ីតឡាក់ទិចជាដើម) សារធាតុប្រឆាំងអុកស៊ីតកម្មដូចជាវីតាមីន C និងសារធាតុ resveratrol ។ សារធាតុផ្សំសំខាន់ផ្សេងទៀតរួមមានសារធាតុនីយ៉ាស៊ីណាមីដ សារធាតុរេទីណុល និងសារធាតុសេរ៉ាមៃដ៍។ សារធាតុផ្សំទាំងនេះថែទាំស្បែក ជម្រុញការជម្រុះកោសិកាចាស់ចោល ធ្វើឲ្យការកើតឡើងវិញនៃកោសិកាប្រសើរឡើង និងធ្វើឲ្យស្បែកនៅបន្តមានរូបរាងក្មេង។
4. ជ្រើសរើសការព្យាបាលមុខជាប្រចាំ និងប្រើម៉ាសមុខ ការព្យាបាលមុខជម្រុញឲ្យស្បែកមុខមានពន្លឺ និងរក្សាស្បែកឲ្យមានសុខភាពល្អ។ ពួកវាធ្វើឲ្យចរាចរណ៍ឈាមទៅកាន់ស្បែករបស់អ្នកប្រសើរឡើង។ ពេលរួមផ្សំជាមួយនឹងផលិតផលការពារភាពចាស់ ពួកវាក៏អាចពន្យាសញ្ញាដែលបង្ហាញពីភាពចាស់ជរា។ អ្នកអាចចូលទៅកាន់ហាងកែសម្ផស្ស ឬសាកល្បងការព្យាបាលមុខនៅផ្ទះបាន។ អ្នកក៏អាចសាកល្បងប្រើម៉ាសមុខ ដើម្បីផ្តល់សារធាតុចិញ្ចឹមបន្ថែម ដែលស្បែករបស់អ្នកត្រូវការ។ អ្នកអាចប្រើសារធាតុផ្សំ DIY ឬទិញម៉ាសសន្លឹក។
5. ប្រើក្រែមក្រោមភ្នែក វ័យខ្ទង់ 30 ក៏អាចបង្ហាញពីបញ្ហាស្បែកផ្សេងទៀតផងដែរ ដូចជាភ្នែកប៉ោង រង្វង់ខ្មៅ និងស្បែកស្ងួតនៅជុំវិញភ្នែកជាដើម។ ដើម្បីប្រយុទ្ធនឹងពួកវា អ្នកត្រូវការក្រែមឯកទេសក្រោមភ្នែក។ ដោយសារស្បែកនៅក្រោមភ្នែកងាយប៉ះពាល់ និងស្តើងជាងផ្នែកផ្សេងៗនៅលើផ្ទៃមុខ ហើយក្រែមក្រោមភ្នែកអាចជួយដោះស្រាយបញ្ហាទាំងនេះបាន។

ប្រភព៖ StyleCraze

មានសំណួរបន្ថែមស្តីពីការរលាក? សូមទាក់ទងយើងនៅថ្ងៃនេះសម្រាប់ព័ត៌មានបន្ថែមស្តីពីផលិតផល beauty filler ដែលល្អជាងគេនៅក្នុងទីផ្សារវៀតណាម។

Beauty Filler មិនផ្តល់ការណែនាំខាងវេជ្ជសាស្ត្រ ការធ្វើរោគវិនិច្ឆ័យ ឬការព្យាបាលវេជ្ជសាស្ត្រនោះទេ។ រាល់គ្រប់ព័ត៌មានដែលបានចុះផ្សាយនៅលើគេហទំព័រនេះ ឬដោយស្លាកយីហោនេះមិនមែនសម្រាប់ជំនួសការណែនាំខាងវេជ្ជសាស្ត្រនោះទេ ហើយអ្នកមិនគួរចាត់វិធានការណាមួយ មុនពេលមានការប្រឹក្សាជាមួយនឹងអ្នកជំនាញខាងថែទាំសុខភាពនោះឡើយ។